33
Il vincjesim aniversari dal festival “San Vito Jazz” si siere grande fieste. Sabide ai 28 tal auditorium Centri Civic di S. Vît dal Tiliment, il festival – promovût dal comun e dal circuit dal ERT e diret di Flavio Massarutto – al presente “Aria Vibrante”, un conciert cul trombonist Tony Cattano e la bande de filarmoniche di S. Vît, direte di Simone Comisso. Scrit a pueste par “San Vito Jazz”, al è un conciert par grup e trombon solist che al met in dialic tradizion e modernitât, instreçant il sunôr coletîf de bande – di simpri, un puest dulà che cetancj grancj musiciscj talians di jazz a àn scomençât la lôr cariere – cu la improvisazion, intun ecuilibri dinamic jenfri composizion e libertât di espression. (A.I.) – 26.03.2026
