59
Il romanç “La cotogna di Istanbul“ di Paolo Rumiz al è deventât un spetacul teatrâl, in graciis de scriture di Alberto Bassetti e ae produzion de Contrada di Triest. Daspò dal debut tal Teatri “Orazio Bobbio”, “Un sogno a Istanbul“ al rive par trê seradis intal circuit dal Ert. Maddalena Crippa e Maximilian Nisi a saran miercus ai 21 li dal Teatri Ristori di Cividât, joibe ai 22 tal Auditorium Marin di Grau e vinars ai 23 tal Cinecity di Lignan. La particolaritât di chest spetacul e je la sô formule. No je une comedie, no je une tragjedie, nol è un musicâl, ma e je une balade, une forme uniche intal so gjenar, cun cjançons che a compagnin la conte. (A.I.) – 20.02.2024
Foto di B. Rigon
