Une arpe eletriche li dal Capitol

La zovine regjine de arpe eletriche, Kety Fusco, e puarte il so “Bohème Tour” li dal Capitol di Pordenon vinars ai 3. Arpiste, compositore e musiciste di innomine internazionâl, cun doi diplomis in arpe classiche e un percors di formazion orchestrâl, Kety Fusco e continue a sburtâ di la dai confins de inovazion musicâl: la sô musiche e instrece la eletroniche, lis influencis contemporaniis e lis sugjestions cinematografichis intun mont di sunôrs personâl e simpri ricognossibil. La artiste svuizare taliane e à za sunât te Royal Albert Hall di Londre, la sô musiche e je stade criticade intal “Guardian” e e à ancje stiçât la curiositât di Iggy Pop, che al à dât la sô vôs al singul dal album “Bohème”. (A.I.) – 02.04.2026

Foto di S. Piattini