Un viaç te memorie e te identitât

In spiete dal festival da “Voli sui territori” dal Ecomuseu das Aghis dal Glemonat, la Cineteche dal Friûl e presente “Talis Mater” tal Cine “Sociale” vinars ai 29 di Mai. Il cine al è l’ultin lavôr di Marco Rossitti, che al sarà presint par presentâ il so lavôr e rispuindi aes domandis dal public. Al principi dai agns otante dal 1900, su la fonde dai risultâts di un scandai antropologjic sul cjamp, un grup de RAI al rivà tal insediament uman plui alt dal Trentin par filmâ la vite di Liz Dantone, la ultime abitante dal piçul paîs di Vera, te valade di Fassa, e par contâ il mont in vie di estinzion che je e vuardave. Cuarante agns dopo, l’Istitût culturâl ladin di Val di Fassa al à fidât a Marco Rossitti, regjist e professôr universitari di Pordenon, il progjet di un documentari par ricuardâ Liz, trente agns dopo la sô muart, cuntun viaç traviers de memorie e de identitât alpine. (A.I.) – 28.05.2026