Un viaç tai segrets di une famee borghese

Miercus ai 4, il Teatri Comunâl di Cormons al dâ acet a “Pazza” di Tom Topor, cun protagoniscj Vanessa Gravina, Nicola Rignanese e Fabrizio Coniglio (ancje regjist), un spetacul produsût di La Contrada – Teatri stabil di Triest. Lât in sene pe prime volte a Broadway intal 1980 e plui indenant adatât pal grant schermi intune version di grant sucès cun protagoniste Barbra Streisand, al conte la storie di une femine acusade di omicidi, che e refude l’intervent de sô famee, une vore siore, che e cîr di evitâ la preson e di mandâle intun manicomi. Il teme centrâl nol è dut câs la matetât, ma un viaç tai segrets che a esistin dentri e fûr di une famee borghese compagne di cetantis altris. (A.I.) – 03.03.2026