Di 17 agns, la rassegne “Art tal Ort” ideade e inmaneade de associazion Felici ma furlans e puarte ator pal teritori une schirie di spetacui tal viert, metûts in sene di artiscj di nivel ancje internazionâl, in lûcs cuntun valôr artistic une vore alt. Pensât pes primis edizions dome pal teritori di Feagne, il festival si è slargjât fint ae provincie di Pordenon, di Travês ae capitâl, ma ancje a Dartigne, Basilian e S. Denêl. Chest an, la “art pes stradis” e rivarà fint al mês di Setembar, e dai 10 fint ai 12 di Lui e propon une produzion mondiâl de Compañía Alta Gama: la catalane Amanda Delgado, l’argjentin Alejo Gamboa e la lôr biciclete, trê animis impegnadis intun viaç acrobatic a Feafne, S. Denêl e Dartigne, par esplorâ la nature de art. (A.I.) – 09.07.2027
Foto di A. Pascual
