Un toc di Friûl e un toc di Rome

Di Rome al Friûl, di protagonist dal mitic “Folkstudio” te capitâl dai agns Setante a “ricercjadôr” di talents zovins achì di nô. Il cjantautôr roman Edoardo De Angelis, che l’an passât al è fat fieste pai 80 agns tal Teatri di Tresesin cui amîs di chenti, al publiche par Il Cantautore Necessario / Azzurra Music un gnûf album, “Ulisse al confine del tempo”, daspò dal singul “Erano solo uomini (Io sogno)”. Il disc al à lis lidrîs tal progjet “Frattempi, il confine del tempo”, sostignût de regjon F-Vj e de Fondazion Friuli e al è nassût si lis nestris monts, in residencis artistichis ve pal Istât tal Cjanâl Pedarç cun cjantautôrs e cjantautoris di chi. Gjenerazions diferentis, ma che a spartissin la stesse vision dal mont, ci la voie di libertât, lis passions, i insiums, e che tai tocs regjistrâts a Udin a son ancje lôr autôrs e protagoniscj, sul stes nivel di Edoardo, aromai “furlan acuisît” di un cuart di secul: il grup Cinque uomini sulla cassa del morto, Nicole Coceancig e Alvise Nodale, ven a stai la “gnove leve” de cjançon di autôr furlane. Ma ancje la ghitariste Anna Cainero, la Corâl dal F-Vj direte di Cristiano Dell’Oste e il diretôr di orchestre Valter Sivilotti. Ducj adun sul palc cun Edo, o cuasi, pe presentazion uficiâl dal disc, vinars ai 5 di Jugn tal Teatri “Maurensig” di Felet. (A.I.) – 04.06.2026