Un tercet jazz di liende tal Palamostre

La rassegne “Note Nuove”, inmaneade di Euritmica, sot la direzion artistiche di Giancarlo Velliscig e cul supuart de Regjon, dal Comun di Udin e de Fondazion Friuli, che fint al mês di Mai e ufrîs un viaç traviers lis espressions plui origjinâls de musiche contemporanie, e va indevant miercus 18 tal Palamostre di Udin. Sul palc di sene aes vot sot sere, un orari gnûf, compagn di chei che a son usâts te Europe centrâl e setentrionâl, par permeti al public di fâ alc altri daspò dal conciert, al larà sù il tercet di baterist jazz che al è une liende. Un musicist che al à sunât culis plui grandis stelis de musiche rock: Steve Gadd. I trê musiciscj di chest grup transgjenerazionâl a son rivâts a cifre tonde tal 2025: otante agns pe liende de batarie Steve Gadd, 60 pal mâc danês dal orghin Hammond Dan Hemmer (60) e 50 agns pal saxofonist danês Michael Blicher. (A.I.) – 17.03.2026