51
Il lengaç universâl de musiche al sarà protagonist miercus ai 19 tal Palamostre di Udin, in graciis di une armoniche trame di culturis. Il lengaç al cjaparà vite cuntun tercet di virtuôs che a rapresentin une des pontis di diamant de centesime tierce Stagjon conciertistiche dai Amîs de Musiche di Udin. Andrey Baranov al violin, Eldar Saparayev al violoncel e Shiran Wang al piano si uniran par ufrî al public un program incentrât su doi autôrs dal sun ricercjât e che al cjape cu la sô fuarce: Shostakovich e Dvoràk. (A.I.) – 18.02.2025
