Un teatri di ‘passaç’ tai lûcs simbolics di Udin

A Udin e va indevant la rassegne “Passaggi” (Passaçs), un percors teatrâl ideât e curât dal Teatro della Sete, che al travierse lûcs simbolics de citât e ju mude in spazis di incuintri, di scolte e di imagjinazion. Un program si spetacui pensât tant che une schirie di “ripârs” temporanis, là che lis storiis a deventin une ocasion par condivisi emozions, riflessions, memoriis e visions. L’apontament di joibe ai 31 – cence sore nuie – al è aes 9 sot sere tal parc di S. Svualt: “La vita resistente”, une tragjicomedie di e cun Andrea Collavino e Marcela Serli, che e ven fûr dal dialic jenfri doi atôrs e regjiscj, ispirade al saç “La scomparsa dei riti “. Martars ai 5 di Avost, te cort di Palaç Morpurgo, anteprime di “Diva all’opera”, un spetacul di teatri musicâl e comic di Valentina Musolino. (A.I.) – 30.07.2025