Un teatri cence limits a Porpêt

Si clame “Limitless”, ven a stâi “cence limits”, il gnûf progjet de Compagnie BRAT di Porpêt, che al tache ai 23 di Avrîl. Une iniziative internazionâl, che e cjaparà dentri siet Comuns de Regjon F-Vj cul fin di stiçâ la imagjinazion e la inclusivitât, invidant ducj a esplorâ gnovis pussibilitâts di incuintri e di scambi, traviers la esperience teatrâl. “Limitless” al scomençarà cuntun laboratori curât di Claudio Colombo, destinât a professioniscj e artiscj in formazion, cu la partecipazion di cinc talents zovins che a vegnin des academiis teatrâls principâls de Ucraine. A Lui, invezit, e sarà la volte di une serie di avigniments di teatri sensoriâl: prime i laboratoris, po dopo i spetacui, ducj i doi vierts al public e vuidâts de regjiste ucraine Kateryna Lukianenko. (A.I.) – 19.04.2025