Un sucès dal cine al teatri

Daspò dal grant sucès de version al cine, “Perfetti sconosciuti” di Paolo Genovese al concuiste ancje i teatris cence pierdi la sô comicitât cence creance. Il spetacul al è programât tal Teatri gnûf “Giovanni da Udine” di martars ai 26 a joibe ai 28 di Març. La storie e je chê di une clape di amîs che, vie par une cene, a decidin di meti i telefonins su la taule e di spartî i messaçs e lis telefonadis. Il zûc de veretât si trasforme cussì intun disastri daûr chel altri, disvelant segrets inconfessabii, cun situazions dutis di ridi e colps di teatri. (A.I.) – 25.03.2024

Foto di S. Pastore