104
E va indevant la anteprime de vincjesime edizion de rassegne “La scena delle donne” (La sene des feminis), direte di Bruna Braidotti, inmaneade de Compagnia di Arti&Mestieri. Joibe ai 14 li dal Capitol di Pordenon e rive Lucia Raffaella Mariani, une zovine atore di talent de sene taliane, vincidore cuant che e veve dome 18 agns dal prestigjôs “Premio Hystrio”. In sene al larà il so prin monolic, “Freevola”, une “confession su la insostignibile dibisugne di amirazion”, un spetacul che al da vôs a une gjenerazion di feminis libaris di jessi cemût che a son lôr stessis, cence condizionaments o cence sintîsi obleadis a plasê. (A.I.) – 13.03.2024
