Un spetacul no autorizât

Une comedie origjinâl, uniche, che e tire dentri e che no je di pierdi: “A Mirror – Uno spettacolo falso e NON autorizzato” (Un spieli – Un spetacul fals e no autorizât) e sarà la prossime rapresentazion tal Teatri comunâl di Cormons, martars ai 3. Sul palc une compagnie largje e ben assortide e recitarà, cun Ninni Bruschetta, Claudio “Greg” Gregori e altris, vuidâts di Giancarlo Nicoletti intun spetacul di teatri totâl, dopli e elusîf, dulà che nuie al è compagn di ce che al somee. Il test, che al domande al public di jessi un partecipant atîf par dut il timp inte rapresentazion, e je la storie di un stât totalitari dulà che il Ministeri de Culture al à di aprovâ dutis lis oparis di art. Il public, dentri che che e somee une sale par une fieste di matrimoni, al scuvierç di jessi cjapât dentri intun spetacul clandestin e no autorizât. La veretât e je simpri sot discussion, e la cuistion e je dulà si cjatie la linie jenfri politiche, podê e art. (A.I.) – 02.02.2026