Tal teatri gnûf “Bonsignôr Lavaroni” a Dartigne, joibe ai 18 al rive “Control Freak”, un spetacul di e cun Kulu Orr, un artist multidissiplinâr che al esplore e al cumbine arts diferentis di passe 25 agns. Il spetacul al è in esclusive regjonâl pal circuit dal ERT te suaze dal program di “In Scena!” dedicât ai artiscj emergjents e a formis di rapresentazion che a sfidin la relazion cul public, superant il tradizionâl “cuart mûr”. “Control Freak” e je une esperience teatrâl origjinâl e che e fas maravee, un spetacul cun dome un atôr sul palc che al messede circ, musiche dal vîf, comedie e tecnologjie par creâ un gnûf lengaç, là che il public nol è dome un spetatôr, ma un partecipant atîf intune esperience condividude e imersive. (A.I.) – 18.02.2026
Foto di S. Le Roux
