Dopli apontament intal circuit dal ERT cun “Divagazioni e Delizie”, test dal autôr statunitens John Gay interpretât di Daniele Pecci. Il spetacul al larà in sene miercus ai 5 tal Cinecity di Lignan e joibe ai 6 tal Gnûf Teatri “Bonsignôr Lavaroni” di Dartigne e al è componût di tescj di Oscar Wilde, gjavâts fûr di romançs, contis curtis, comediis, saçs, letaris e aforisims. L’autôr si imagjine che il scritôr inglês, intal ultin an de sô vite, lât fûr de preson e in esili in France, par cirî di tirâ indenant al ledi in piçulis salis teatrâls par dâ spetacul di se, tant che un “scandul vivent”. (A.I.) – 03.02.2025
Foto di T. LePera