Un produtôr udinês al cree un gnûf premi intal non di Santercole

Ai 21 di Març, prime dì di Vierte, al nas in Italie un gnûf osservatori musicâl dedicât a gnûfs compositôrs e interpretis de musiche di autôr, taliane e internazionâl. Il “Premio Santercole” pe ricercje di gnûfs talents al è dedicât ae memorie di Gino Santercole, compositôr des cjançons plui impuartantis di Celentano, in plui che cjantant lui stes e atôr cinematografic. La idee e je de femine Melù Santercole e dal produtôr e autôr udinês Alberto Zeppieri, che a àn fondât une associazion culturâl ae ricercje di gnûfs talents di puartâ a Jugn al teatri Ciak di Rome. (A.I.) – 21.03.2023