Un premi pal cine su Sacîl e il piano, il so simbul

Ae rassegne internazionâl Piceno Cinema Festival, presinte la atore Eleonora Giorgi e ancje la regjine de dopleadure Roberta Pellini, al è stât assegnât il “Premio Città di Offida” tant che miôr curtmetraç a “Goldberg Serpentine Love”, un cine musicâl zirât a Sacîl e prodot di PianoFVG cun Musicae-Distretto culturale del Piano FVG. Une opare cence dialics, dulà che la musiche, lis Variazioni Goldberg di Bach, a comentin lis imagjins ricreant cu lis notis la bielece dal amôr tra i doi protagoniscj zovins. A ritirâ il premi il regjist Luca Coassin e il produtôr, Davide Fregona, che cul cine a àn volût promovi la citât di Sacîl e il so strument simbul, il piano. (A.I.) – 17.11.2022