Un piano, un caschet neurâl, une butilie di vin

“Mezzocielo & Wine”, la evoluzion dal progjet “Mezzocielo”, nassût de fusion di musiche, art visive e neurosiencis, al rive in trê teatris regjonâi. Il scritôr e enolic Matteo Bellotto e il pianist Matteo Bevilacqua a vierzin joibe ai 5 la stagjon dal Teatri Comunâl di Polcenic, po dopo a saran vinars ai 6 tal Teatri “Ristori” di Cividât e a sieraran domenie ai 8 tal Teatri “Maurensig” di Tavagnà pe rassegne di concierts promovûts de associazion RiMe MuTe. Intes ultimis dôs datis a varan dongje la FVG Orchestra direte di Paolo Paroni. Il spetacul al è une esperience uniche, là che la musiche classiche, sunade di Bevilacqua, si unìs a imagjins gjeneradis in timp reâl des ondis cerebrâls dal artist, che al dopre un caschet neurâl cuant che al sune. Dilunc dal spetacul, Bellotto al selezionarà cualchi vin e al puartarà il public a fâ une cerce vuidade metint il caschet, esplorant si che duncje lis emozions e lis reazions devant de diversitât dai prodots cerçâts. (A.I.) – 05.12.2024