Un pianist di Pordenon tal cine su la regjine

Al ven fûr dal 21 ai 23 di Novembar ancje intes salis de regjon il cine documentari dedicât a une icone dal nestri timp, Elisabetta II: “Ritratto di regina”, diret di Fabrizio Ferri e ispirât al libri di Paola Calvetti, al viôt ancje une presince de nestre regjon: Remo Anzovino, il preseât e innomenât pianist e compositôr di Pordenon che intai ultins agns al à scrit cetantis musichis pal cine. E che al à componût la colone sonore origjinâl di une produzion Nexo Digital cun Rai Cinema, che e conte i 70 agns di ream, ripassâts traviers i ritrats fotografics plui intens de regjine. (A.I.) – 17.11.2022