Marina Massironi e je la ospite di doi teatris dal circuit di ERT cun “Ma che razza di Otello?”(Ma ce raze di Otello). Il spetacul – sottitulât “Rapsodie par arpe e atore: riscuvierzi l’Otello di Verdi” – al sarà presentât joibe ai 9 tal Teatri Comunâl di Polcenic e vinars ai 10 tal Auditorium “Alla Fratta” di S. Denêl. Lis dôs rapresentazions, programadis pes 9 mancul un cuart sot sere, a sierin la stagjon ’25/’26 dai doi teatris. Il spetacul al è basât suntune premesse: se al è Shakespeare a contâ l’Otello, o sin dentri di une tragjedie; se lu fâs Verdi, al è un melodrame. Cuant che, invezit, a scrivi il test e je une autore vivarose di vuê, Lia Celi, il risultât e je une gnove leture che nissun si spiete de storie de imprese di Verdi, des regulis dal melodrame e dai temis cjars ae tragjedie di Shakespeare: la zelosie, il razisim, la calunie. (A.I.) – 08.04.2026
Foto di N. Simoncini
