47
E je stade restaurade in 4k par cure de Cineteche Nazionâl e e sarà presentade martars ai 11 li di Cinemazero a Pordenon la gnove version di “Il deserto rosso”, il prin cine dut a colôrs di Michelangelo Antonioni, fat tal 1964 cu la atore Monica Vitti: une opare mestre che e rive ancjemò a fevelâ ae int dal dì di vuê. La serade e varà une introduzion critiche par cure di Paolo D’Andrea, ma soredut l’event al vûl rapresentâ un omaç a Piero Poletto, senograf di Sacîl, un dai colaboradôrs fondamentâi di Antonioni, a cent agns de nassite. Il so contribût ae rivoluzion visive dal regjist al è fondamentâl: Poletto al piture une citât gnove, Ravenna, si che duncje il colôr al devente la robe plui impuartante di dut il cine. (A.I.) – 10.11.2025
