De pagjine al palc di sene, “Accabadora” al rive tal circuit dal ERT. Chest spetacul al è gjavât fûr dal libri cul stes titul di Michela Murgia, un dai romançs talians plui lets dai ultins agns, vincidôr dal Premi Campiello tal 2010, adatât pal palc di Carlotta Corradi e diret di Veronica Cruciani. Anna Della Rosa e je protagoniste dal monolic, che al sarà presentât sabide ai 31 di Fevrâr tal teatri “Pier Paolo Pasolini” a Cjasarse e domenie al Prin di Fevrâr tal auditorium “Biagio Marin” a Grau. Michela Murgia e conte une storie ambientade intun paîs di finzion in Sardegne, dulà che une fantate di sîs agns e je afidade a une sartore che e vîf di bessole e cualchi volte e fâs la part di une “accabadora”, ven a stâi une femine che e jude lis personis che a son daûr a murî. (A.I.) – 30.01.2026
Foto di M. Alessi
