Un miâr di zovin musiciscj a Palme

Dai 4 ai 10 di Mai, a Palme a rivarà cuasi un miâr di zovins musiciscj pe decime tierce edizion dal concors musicâl internazionâl “Premi Unesco”, che al à cjapât il titul di “Musiche zovin par une zovine Europe, inmaneât de academie musicâl di Palme adun cul Comun e cul jutori de Regjon, di Promoturismo, Fondazione Friuli e CEI – Central European Initiative. Il diretôr artistic Franco Calabretto, che al fevele di “un moment di confront jenfri lis nazions, intun moment là che lis pussibilitâts di studiâ tal forest pai zovins a van cuintri lis tension internazionâls a a deventin un moment une vore impuartant pe formazion e la educazion des zovinis gjenerazions”. Intai siet dîs dal concors a son previodudis ben 320 audizions, dutis viertis al public, tal teatri “Modena” e tal Auditorium, ogni dì cence polse des 9 di buinore fint aes 6 di dopomisdì, cence limits ni dal repertori, ni dal strument doprât. In gare a saran 900 iscrits di 19 Paîs, dividûts in cinc corâls, nûf orchestris, 130 soliscj a grups di musiche di cjamare, plui altris 170 che a vegnin dal “Premi Scuelis”. Il conciert di scree al sarà sabide ai 3 di Mai cu la FVG Orchestra, direte dal austriac Florian Krumpöck, e al violoncel Davide Zuin, vincidôr tal 2024 fal Premi Unesco pai musiciscj dot dai 19 agns. Il dì dopo, une “zornade europeane” cuntune cunvigne , sot sere, il conciert de zovine pianiste cravuate Mia Pečnik. (A.I.) – 02.05.2025