Un mestri di piano al conservatori ‘Tomadini’

Miercus ai 16 a Udin, aes 6 dopomisdì inte sale Vivaldi dal Conservatori, si tignarà un conciert pianistic di Pasquale Iannone, un dai soliscj talians plui interessants, in plui che mestri di interpretis impuartants de gnove gjenerazion. Il conciert, organizât dal comitât Piano City di Pordenon e de Academie di studis pianistics Antonio Ricci, in colaborazion cul Conservatori Tomadini di Udin, e sarà la ocasion par presentâ al public ancje la gnove incision discografiche di Iannone, publicade cun la riviste musicâl “Amadeus”. (A.I.) – 14.11.2022