Un mês cu la musiche di Mozart ator pal Friûl

Cuarte edizion par “Mozart e dintorni”, Mozart e dulintor, la rassegne che l’ERT, l’Ent regjonâl teatrâl dal F-Vj e la associazion Mozart Italia a dedichin al gjeni di Salisburc e aes sôs influencis su la musiche europeane. Cuatri i concierts in program fint a Otubar, a Udin, Paulêt e Premariâs, esplorant trê percors a teme. La scree, un conciert intitulât “Mozart e la Boemia”, sabide ai 20 tal teatri S. Zorç di Udin, par esplorâ i rapuarts dal musicist cu la tradizion boeme. Sul palc la Orchestre di Cjamare dal F-Vj direte di Romolo Gessi, cun Nicola Bulfone al clarinet. La seconde part dal stes repertori e sarà presentade daspò di une setemane tal teatri di Orsarie. (A. I.) – 19.09.2025