Un imni ae vite tal teatri di Cormons

da Andrea Ioime

E je la ocasion par preseâ un test emozionant e apassionant, une conte che e fevele des metamorfosis de vite e che, traviers l’adatament e la regjie di Paolo Triestino, e rive ancje a fâ ridi cualchidun. Dopo il debut ae ultime edizion dal Mittelfest, “Le gratitudini” (Lis ricognossincis), dal romanç di Delphine De Vigan, e sarà li dal Teatri Comunâl di Cormons, miercus ai 7. Sul palc Lucia Vasini, Lorenzo Lavia, Paolo Triestino e Valentina Bartolo, interpretis di un imni ae vite, dulà che cuatri esistencis si instrecin intun incrosament maraveôs di sintiments, passions e displasês, ma dulà che dut al è ancjemò pussibil. (A.I.) – 05.02.2024

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui