Un grant pianist pe Academie “Ricci”

Un event straordenari inte stagjon dai concierts 2025/26 de Academie di Studis dal Piano “Antonio Ricci” di Udin si davuelzarà sabide ai 28 aes 5:30 di dopomisdì tal Palaç Antonini, la sede de Universitât dal Friûl. Al sunarà il pianist Pierluigi Camicia, un grant artist e un mestri che al à vinçût une schirie di premis intes plui impuartantis competizions nazionâls e internazionâls e che al à judât a tirâ sù un grup di musisicj di talent, par esempli Benedetto Lupo, cetant cognossût dal public di Udin. Il program al è inmagant e al presentarà la “Patetica” di Beethoven, lis trê romanzis di Schumann, Chopin e Ravel. (A.I.) – 27.02.2026