Un grant jazzist al sune trê zigants de musiche

Un piano, trê zigants de musiche nassûts tal stes an e la elegance cence timp di Enrico Pieranunzi. Joibe ai 24, te cort di palaç Morpurgo a Udin (o tal spazi Venezia se al plûf), la rassegne “More Than Jazz” e presente “1685 – Enrico Pieranunzi plays J.S. Bach, Handel, D. Scarlatti”. Un conciert che al met dongje la musiche classiche e la sensibilitât dal jazz par une esperience uniche, che e conte l’an di nassit di trê compositôrs che a àn cambiât la storie de musiche di ducj i timps: Johann Sebastian Bach, Georg Friedrich Handel e Domenico Scarlatti. (A.I.) – 23.07.2025