Un gnûf premi pal pianist Anzovino

Il compositôr e pianist Remo Anzovino al à cjapât il Premi “Rotondi”, Premi Speciâl pe Comunicazion, pe colone sonore origjinâl dal cine di Roberto Dordit “I colori della Tempesta”, I colôrs de burascje, jessût di pôcs dîs tes salis talianis. Il Premi Rotondi pai salvadôrs de art al fo fondât tal 1997 par onorâ la memorie di Pasquale Rotondi, un sorintendent che ai timps de seconde vuere mondiâl al vuidà une des operazions di salvament plui impuartantis dal patrimoni artistic talian, sigurant miârs di oparis di art de distruzion e dal sac nazist. Il premi al ven dât ogni an a singui e s istituzions che, in diviers cjamps, a dan un contribût ae protezion de art e de sô memorie storiche. Chest gnûf ricognossiment di presi pal pianist e compositôr nassût a Pordenon al è une conferme in plui dal so percors artistic, che di agns al è dedicât ae ricercje musicâl che e instrece la composizion, la memorie e la narazion civiche, dispès in dialic diret cul monts de art e chel dal cine. (A.I.) – 01.06.2026