Un gnûf cine su Tina Modotti cul jutori di Cinemazero

Al è tacât di pôcs dîs, de tombe di Tina Modotti li dal Panteón de Dolores di Citât dal Messic, il viaç dal documentari “Tina” di Matteo Parisini, scrit cun Riccardo Costantini di Cinemazero, che al è fat ancje lis ricercjis sientifichis e di archivi dal progjet. Il cine al è fat cul jutori fondamentâl di Cinemazero (che e à curât une impuartante mostre di sucès ator pe Italie, “Tina Modotti-L’opera”, dai siei archivis e de sô mediateche a Pordenon. Cinemazero al à metût a disposizion cualchi preseade fotografie – la colezion plui complete de produzion di Tina Modotti – e ancje cualchi documentari za fat. Il documentari al è une produzion taliane, francese e messicane, cu la poie dal Fonts regjonâl pal audiovisîf dal Friûl-Vignesie Julie. (A.I.) – 13.05.2025