Un flum di storiis che al cor di trente agns

La diesime seconde edizion dal “Fiume Festival – Sguardi” de Compagnia di Arti e Mestieri di Pordenon si vierç miercus ai 2 di Setembar, su la rive dal flum a Chiesanuova di San Donà di Piave in provincie di Vignesie. “Storiis di flum, un flum di storiis”, scrit, diret e interpretât di Bruna Braidotti cul acompagnament musicâl di Nicola Milan ae armoniche, al presente la storie dal Plâf, il “flum sacri da Patrie”, contât di une Agane, une figure mitiche che e je leade in maniere fonde aes aghis e che si cjate tes liendis dal flum. Il spetacul al è il risultât di passe trente agns di ricercjis di Bruna Braidotti e Giulio Ferretti ator dai flums, lis comunitâts che a vivin dilunc lis rivis e lis figuris mitichis leadis ae aghe. (A.I.) – 01.09.2026