Un festival par doi capitâi de culture

Vot events in cinc comuns de regjon pal Fadiesis Accordion Festival, che dopo il sucès de tape inte capitâl europeane de culture Matera al torne in regjon dal 13 ai 30 di Otubar a Pordenon, Feagne, Montreâl, sant Martin di Voleson, Siest e Gurize, che e ospitarà un conciert di grant valôr simbolic: une union tra i Solisti Lucani e l’Ensemble Fadiesis, nassude de colaborazion cul Istitût pai Incuintris Culturâi Mitteleuropeans di Gurize, che fin dal 1966 al à creât lis basis par GO! 2025. Prime serade de rassegne dedicade ae armoniche, joibe ai 13 aes 8.45, ae Aziende vinicule Pitars di sant Martin di Voleson cul duet Ambrosi-Venturini. (A.I.) – 12.10.2022