Un festival dal cine par Omero Antonutti

Il festival dal cine “Omero Antonutti: une vite jenfri teatri e cine”, promovût de associazion Casa del Cinema di Triest, al rive ancje tal Cinemazero adiPordenone e tal Visionario di Udin cuntune selezion di oparis dal atôr furlan (1935-2019). Il festival al vierç lunis ai 11 cun “Padre Padrone” (1977) di Paolo e Vittorio Taviani, prime a Pordenon e ai 27 di Mai a Udin. Un lavôr che al jere il simbul di une svoltade tal cine talian, creât in origjin pe television e che al vincè la “Palme di aur” tal Festival dal Cine di Cannes, là che il public cognossè pe prime volte la intensitât straordenarie de recitazion di Omero Antonutti. Il festival al larà indevant cu “La notte di San Lorenzo” (1982), une altre opare mestre dai fradis Taviani, proietât ai 18 di Mai a Pordenon e ai 20 a Udin. Chei altris cines in program a son “Un eroe borghese” (1995) di Michele Placido e “La frontiera” (1996) di Franco Giraldi. (A.I.) – 11.05.2026