Un dai paris dal “progressive rock” mondiâl sul cjistiel di Udin

Un gnûf grant apontament musicâl internazionâl par Udin e pal Friûl Vignesie Julie. Martars ai 26 di Lui, intal plaçâl dal Cjistiel, grant ospit dal calendari di Udinestate al sarà Steve Hackett, ghitarist, cjantant e compositôr britanic, non di riferiment pal progressive rock mondiâl. Hackett al è cognossût e amât in dut il mont sedi pal so lavôr cui Genesis, parcè che cun lôr al à regjistrât vot album dal 1971 al 1977, sedi pe cariere soliste. La date di Udin e sarà l’unic conciert a Nordest de tournée mondiâl dal titul ‘”Genesis Revisited – Seconds Out + More”, ispirade al album storic dal vîf, publicât 45 agns indaûr. (A.I.) – 25.07.2022