97
La storiche rassegne “Blues in Villa” inmaneade de associazion cul stes non e rivade ae vincjesime setime edizion e je daûr a sierâsi cuntun grup internazionâl super. Martars ai 29, il centri culturâl “Aldo Moro” di Cordenons al presentarà l’event Lou Marini & Enzo Zirilli Italian Groovers, un sodalizi nassût cualchi an indaûr a Londre, là che si son cjatâts il saxofonist di liende ‘Blue Lou’ Marini, che al sunave cui Blues Brothers e al è restât l’unic dal grup che al jere tal cine, e il baterist Zirilli, di 15 agns in Ingletiere cul so grup ZiroBop. Di chê volte a àn fat trê tour adun e a son daûr ancje a regjistrâ un disc. (A.I.) – 28.07.2025
