Un conciert teatrâl al vierç lis seradis a Udin inte Cort di Palaç Morpurgo

Un gnûf viaç musicâl tra la Cort di Palaç Morpurgo e lis glesiis plui di incjant de Citât di Udin. “Armoniis in citât” al torne dai 26 di Lui ai 20 di Setembar par vot apontaments intai martars di sere di Istât, dentri dal cartelon di UdinEstate, cu la organizazion de Fondazion Luigi Bon. Il conciert teatrâl “Sconfinati” al vierzarà la rassegne martars ai 26 cun la narazion e lis imagjins des storiis ‘di confin’, par opare de Corâl dal FVJ, direte di Mateja Černic, acompagnadis des vôs dai atôrs Moniche Mosolo e Alessandri Venier. Inte stesse Cort, ai 2 di Avost, conciert cul Trio di Parma, ai 9 di Avost il Duet Calligaris-Ilienko inte Glesie di Sant Gotart e altris musichis in citât, cjapant dentri chei dai 6 e ai 20 di Setembar dedicâts a Pasolini. (A.I.) – 22.07.2022