Un conciert spetacul par screâ “Festil” a Udin

Si scree Udin miercus ai 18 di Jugn la decime edizion di “Festil”, il festival dal Istât dal litorâl, direte di Tommaso Tuzzoli e Federico Bellini, inmaneade di Tinaos cul jutori de Regjon F-Vj e dal Comun, in colaborazion cul Css, teatri stabil di inovazion dal F-Vj. A vierzi “Festil” e “Teatro Contatto Estate”, in prime nazionâl, e sarà la atore ma ancje autore e musiciste di divignince udinese Francesca Osso, diplomade te scuele dal “Piccolo Teatro” di Milan e za interprete di produzions innomenadis tant che “M – Il Figlio del Secolo” cu la regjie di Massimo Popolizio. Miercus ai 18, adun cun Gabriele Gerets Albanese, e presentarà tal teatri “San Giorgio” il so prin album “17 rue des fossés, Saint-Marcel”, un conciert che al è ancje un spetacul e une conte: un viaç di sunôrs jenfri Italie, Austrie, Cechie e France. (A.I.)-17.06.2025