Un conciert pe patrone de musiche

E je une tradizion dai conservatoris chê di dedicâ tal mês di Novembar un conciert a Sante Cecilie, patrone de musiche. Dismetût di timp dal Conservatori Jacopo Tomadini di Udin, l’event al ven chest an riproponût, in graciis de diretore Flavia Brunetto, martars ai 22 inte Sale Vivaldi di palaç Ottelio aes 6 dopomisdì, cu la esibizion dal innomenât Quartetto Indaco, nassût inte Scuele di Musiche di Fiesole e calcolât de critiche internazionâl un dai cuartets talians di arcs plui interessants. A Udin al presentarà un program di musichis di Beethoven e Schubert. (A.I.) – 21.11.2022