Un conciert di jazz e un spetacul radiofonic intune

La rassegne “Note Nuove”, notis gnovis, inmaneade di Euritmica sot la direzion artistiche di Giancarlo Velliscig e cul supuart de Regjon, dal Comun di Udin e de Fondazion Friuli, e puarte indevant il so viaç traviers la musiche contemporanie fint al mês di Mai. Ospit dal penultin event al è il progjet “Jazz Radio” di GeGè Telesforo, che si davuelzarà martars ai 21 al auditorium “Zanon” a Udin. Cun “Jazz Radio”, Telesforo al savolte il concet di conciertt, cuntun spetacul inovatîf che al cumbine l’incjant di une interpretazion in direte cu la intimitât di un spetacul radiofonic. L’artist, compagnât dal so grup, al invite il public intal so mont, mudant il palc di sene intun set ibrit, a metât strade jenfri un studi di regjistrazion e uneradio. Une esperience imersive, dulà che il public nol è dome un spetatôr, ma un ospit di onôr. (A.I.) – 20.04.2026