Un classic di Shakespeare a Pordenon daspò di 45 agns

Il program de stagjon di prose dal teatri “Verdi” di Pordenon al tache cul grant teatri e un dai events plui spietâts dal moment in Italie. Joibe ai 30 e vinars ai 31, al rive il gnûf spetacul firmât di Antonio Latella, un dai plui origjinâi e visionaris regjiscj talians de sene europeane, cul “Riccardo III” (Ricart Tierç) di William Shakespeare, cu l’atôr Vinicio Marchioni te part dal plui trist, scûr, ma ancje magnetic re dal univiers dal autôr inglês. Daspà dal sucès de prime nazionâl, la produzion e torne a puartâ a Pordenon, a 45 agns de storiche edizion dal 1980 cun Glauco Mauri e la regjie di Antonio Calenda, un dai tescj plui complicâts e potents di Shakespeare. Une opare mestre che e passe i secui, fasint domandis ator de ambizion e de coruzion dal podê, l’atrat dal mâl e lis zonis scuris de anime umane. (A.I.) – 29.10.2025