Un classic dal teatri dal 20m secul pai 100 agns dal ‘Verdi’

Un mont fat di nêf e bufulis di savon, balonuts al sguinçâl, lets intal mâr in bissebove, capots che si animin, burascjadis di flocs di cjarte: chest al è l’univiers poetic di incjant dal artist miracolôs Slava Polunin, mim e paiaç di origjin russe, valutât un poete dal pinsîr e dal mot. Il so spetacul plui innomenât Slava’s Snowshow, “un classic dal teatri dal 20m secul”, in sene dal 1993 cun plui di 6 mil replichis e 4 milions di spetatôrs, al rive in prime regjonâl ai “Verdi” di Pordenon di miercus ai 26 a sabide ai 29 par celebrâ il centenari de nassite dal teatri. (A.I.) – 25.10.2022