Un cine pierdût di 60 agns a Pordenon

Il “spazioZeroJazz” di Pordenon al salude il so public prime de polse vie pal Istât cuntun ultin event di no pierdi, in program joibe ai 21 aes 7:30 sot sere par une serade speciâl che e instrece jazz, cine e memorie culturâl. La serade si vierzarà cul Luca Colussi Motian Trio, un tribût cetant fin dal baterist furlan Luca Colussi cul so tercet al grant Paul Motian. Daspò dal concert, aes nûf sot sere te Sala Modotti, la serade e larà indevant cuntune proiezion di “Smog” di Franco Rossi, une pelicule une vore rare dal 1962, il prin cine talian zirât dal dut tai Stâts Unîts, che al è sparît de circolazion di chê volte, e che al viôt la presince straordenarie dal musicist jazz Chet Baker. Prin de proiezion, al sarà presentât il libri “Smog City. Un cine riscuviert inte citât dai agnui”, curât di Luca Celada, e il vinîl “SMOG”, une preziose riedizion de colonne sonore componude di Piero Umiliani pal cine. (A.I.) – 20.05.2026