Un cine pal zuiadôr partesan nassût in Friûl

Al è finît in chescj dîs il montaç dal docucine diret di Daniele Ceccarini e Mario Molinari dedicât a Rino Della Negra, un zovin nassût in Friûl, emigrât cu la famee in France, dulà che al jere deventât un zuiadôr de scuadre di balon plui vecje di Parîs, la Red Star. Operari e partesan dal grup Manouchian, al fo fusilât dai naziscj a Mont Valérien intal 1944, cuant che al veve vincj agns. Il documentari – prodot di Lunae Production e Feelmare e fat cu la poie de ANPI di Udin e di une campagne di finanziament sociâl, al conte une storie di lote pe Resistence, zirade tra Italie e France, che e propon testemoneancis storichis e documents inedits. Ogni an ai 21 di Fevrâr, i tifôs des sôs scuadris di balon a memorein la sô esecuzion par man naziste cun cjançons, corâls, strissons e siarpis che a ricuardin la lote dal zovin martar francês e furlan. (A.I.) – 28.08.2024