Un altri conciert par “GO!2025”: Tony Effe

Un gnûf conciert par “GO! 2025 Nova Gorica” , la capital europeane de culture 2025. Ai 13 di Lui, te Arene fate li dal ex confin de Cjase Rosse, al rivarà Tony Effe, un dai artiscj plui impuartants e plui contrastât dal an, cetant preseât dai plui zovins. Il so secont album “Icon” al è rivât prime de partecipazion al festival di Sanremo e al è stât chel che al à vendût plui di ducj tai ultins dodis mês, ancje in graciis di cualchi sucès comerciâl. Tal stes puest, te “Casa Rossa Arena”, a son za stâts anunziâts Massive Attack (ai 24 di Jugn), Thirty Seconds To Mars (ai 3 di Lui) e Alfa (ai 25 di Lui) e altris nons a rivaran ancjemò. (A.I.) – 29.04.2025