Ultins spetacui pes corâls di Nadâl

Daspò di setemanis di concierts, domenie ai 11 e sarà la grande zornade finâl de vincjesime cuinte edizion di “Nativitas”, il festival inmaneât de Usci dal Friûl-Vignesie Julie, che si fasarà a Udin, Triest e Gurize. Aes cuatri di dopomisdì, la corâl di feminis Multifariam e fasarà il so conciert “Nadâl talian” te glesie di S. Martin a Bagnarie Arsee. Aes cinc, il grup vocâl feminin Polivoice al recitarà “Lux et amor mundi” cu la corâl Piccole Voci di Rude inte Vile Trovatore Rossato a Çarvignan. Trê lis corâls in program aes 6 di dopomisdì te glesie di San Pier in Bisiacarie, intant che te provincie di Triest la musiche tacarà aes 3 e mieze di dopomisdì te catedrâl di Mugle cuntune interpretazion corâl de tradizion slovene, e aes 4 la catedrâl di San Just e ospitarà il conciert tradizionâl de ZCPZ. L’ultin conciert a Triest al sarà aes 8 di sere te glesie di S. Francesc cul vincjesim sest festival pes corâls dai zovins e des scuelis, “Note sotto l’albero”. (A.I.) – 10.01.2026