Ultins apontaments par “Carniarmonie”

Il festival “Carniarmonie” curât de Fondazion “bon” di Culugne al siere la sô trentesime cuinte edizion cuntun fin di setemane che al cumbine il dialic transnazionâl, la ecelence artesanâl e la memorie coletive. Vinars ai 4 il festival al va in Slovenie, tal munistîr francescan di Kostanjevica a Gnove Gurize, cul conciert “Insieme/Skupaj”. Sabide ai 5 e sarà ufierte une date dople: tal dopomisdì, tal Laboratori dai fradis Leita a Prât, Manuel Staropoli e Manuel Tomadin a proponin in duet un conciert di musichis di Bach. La serade, il musical “55 secondi”, comissionât pal cincuantesim aniversari dal taramot, al siere la rassegne tal teatri “Luigi Candoni” di Tumieç. Cuntun libret di Fiorenza Cedolin e lis musichis di Cristian Carrara, la regjie di Ivan Stefanutti e la direzion di Paolo Paroni, che al vuide la FVG Orchestra, la Corâl dal F-Vj e i Pueri Cantors dal Domo di Udin, il spetacul al è un omaç ae tragjedie dal 1976. (A.I.) – 04.09.2026