Udin&Jazz, une setemane internazionâl

Sîs dîs di musiche, peraulis, incuintris e imagjins, cjalant viers il mont. Il festival internazionâl “Udin&Jazz”, rivât ae 32e edizion e organizât di Euritmica, al torne a Udin par une setemane di concierts e cunvignis colegâts ae musiche indreçade aes lidrîs. Daspò la inaugurazion di lunis ai 11, dai 12 ai  16 di Lui alì dal Teatri Palamostre si davuelzaran doi concierts par sere. In altris orariis, “live”, incuintris e presentazions si tignaran in varis lûcs de citât. Tra i ospits plui spietâts, Al Di Meola, Fabrizio Bosso, C’Mon Tigre, il brasilian Ivan Lins e i americans Snarky Puppy. (A.I.) – 11.07.2022