Udin&Jazz al torne a puartâ Jacob Collier in Friûl

Un compositôr, rangiadôr e multi strumentist che al à tirât sù une cariere buine di passâ i gjenars, lis tradizions e publics diferents, il visionari musicist britanic Jacob Collier al torne in regjon. Daspò di vê impressionât il public di Udin&Jazz al Lui dal 2025 cuntun conciert dut plen tal Cjistiel di Udin, al torne pe trentesime seste edizion dal festival internazionâl cuntun gnûf progjet che lu viodarà adun cuntun grup locâl: la orchestre Naonis. Tal mês di Lui di chest an, Collier al sarà la Italie dome par trê concierts esclusîfs, a Milan, Rome, e ai 14 tal mês inte Arene “Alpe Adria” di Lignan. Par cheste ocasion, il festival si spostarà de sô solite sede te citât di Udin intal lûc plui preseât pes feriis dal Istât , par un event che al promet di jessi un dai plui spietâts de stagjon di musiche estive dal Friûl-Vignesie Julie, bon di clamâ dongje ancje un public internazionâl. (A.I.) – 11.02.2026