Udin, teatri e musiche in Avost te cort Morpurgo

La rassegne “Passaggi” e torne a Udin, rivade ae sô cuinte edizion, cul titul “A man a man”, ideade e prodote dal Teatro della Sete cul supuart dal Comun di Udin e de Fondazion Friuli, te suaze dal program “UdinEstate”. La rassegne e cjape dentri trê events te Cort di Palaç Morpurgo dome te prime setemane di Avost. Si tache Martars ai 4 cun “L’Orloi dal Cûr”: imagjins, leturis par furlan par cure di Carlo Tolazzi e la musiche dal vîf dal grup folk Trival. Joibe ai 6, a si davuelzaran doi spetacui: un di marionetis e un conciert acustic dai Cinque uomini sulla cassa del morto, un grup di folk-rock nassût in regjon tal 2013. (A.I.) – 31.07.2026